Францын Ерөнхий сайд Мишель Барнье Засгийн газарт нь итгэл хүлээлгэх эсэх парламентын санал асуулгад бүдэрснээр албан тушаалаа хүлээлгэж өгөхөөр болжээ. Засгийн газар нь огцорсонтой холбоотойгоор хийсэн мэдэгдэлдээ Францын Ерөнхийлөгч Эмманюэль Макрон шинэ Ерөнхий сайдыг хэдхэн өдрийн дараа зарлана хэмээгээд сөрөг хүчин өөрийг нь мөн засгийн эрхээс буулгахыг оролдож байна, гэсэн ч 2027 онд бүрэн эрхийн хугацаа нь дуусгавар болох хүртэл албан үүргээ гүйцэтгэнэ гэсэн байна.
Макрон Мишель Барньег ердөө гурван сарын өмнө Засгийн газрын тэргүүнээр томилсон юм. Харин Ерөнхий сайд парламентын шийдвэрээр ийнхүү огцорч байгаа нь Францын сүүлийн 60 гаруй жилийн түүхэнд анх удаа болж байгаа үйл явдал аж. Барньег унагасан Засгийн газарт итгэл хүлээлгэх эсэх асуудлыг гол сөрөг хүчин болох Ардын шинэ фронт болон Үндэсний фронт намууд парламентад өргөн барьсан байна. Тэд эрх мэдлээ ашиглан төвсийн хэлэлцүүлгийг санал хураалтгүйгээр дуусгах гэсэн Ерөнхий сайдын үйлдлийг эсэргүүцсэн нь энэ аж.
Энэ бямба гарагт Парисын эх дагинын сүмийг шинээр нээх ёслолын ажиллагаанд удахгүй Цагаан ордны тэргүүний тангараг өргөх Дональд Трамп тэргүүтэй нэр хүндтэй олон хүн оролцоно. Харин түүнээс өмнө Засгийн газрын шинэ тэргүүнийг томилж амжих үгүй нь одоогоор тодорхойгүй байна.
.avif)
