Европын сүүлчийн дарангуйлагч гэгддэг, 1994 оноос хойш засгийн эрх барьж байгаа Беларусийн Ерөнхийлөгч Александр Лукашенко олон улсын илэрхий луйвар, үзүүлэн тоглолт гэж үзэж байгаа Ерөнхийлөгчийн ээлжит сонгуулиар сонгогчдын 86.8 хувийн санал авч төрийн тэргүүнээр долоо дахиа сонгогджээ.
Сонгуульд түүнээс гадна гурван нэр дэвшигч өрсөлдсөн ч бүгд Лукашенкогийн өөрийнх нь сонгосон хүмүүс байж. Беларусийн сөрөг хүчнийхэн бүгд нэг бол цөллөгт, үгүй бол торны ард сууж байгаа гэсэн мэдээ бий. 2020 оны сонгуулиар ялалт байгуулсан гэх ч аргагүйн эрхэнд шахагдан эх нутгаасаа дүрвээд байгаа гол сөрөг хүчний удирдагч Светлана Тихановская энэ удаагийн сонгуулийг “бас нэгэн инээдмийн жүжиг” гэжээ. Харин Орос, Хятад, Пакистан, Венесуэлийн эрх баригчид Лукашенкод улиран сонгогдсонд нь баяр хүргээд байна.
.avif)
