Америкийн Калифорни мужийн өмнөд хэсэгт Ийтон, Палисадейсийн дүүргийн гэх түймэр гурав дахь долоо хоногтоо тасралтгүй асаж байна. Хамрах хүрээ нь хэдийгээр харьцангуй хумигдсан ч хор хохирол учруулах нь хэвээр байна. Харин орон нутгийн цагаар лхагва гаргийн өглөөнөөс эхлээд Лос-Анжелесийн хойд захын Хьюз гэх дүүрэг шинээр түймэр дэгдэж, 31 мянга орчим оршин суугчийг нүүлгэн шилжүүлэх захирамж гарчээ. Хамгийн сүүлийн мэдээгээр Хьюзийн түймэрт 9400 акр буюу 3800 орчим га газар сүйдээд байна.
Лос-Анжелесийн тойргийн цагдаагийн дарга Роберт Лунагийн мэдээлснээр гал сөнөөгчид шинээр дэгдсэн түймрийг өмнө зүг рүү тархааж, алдахгүйн тулд чадах бүхнээ хийж байгаа аж. Учир нь Хьюз дүүргийн өмнөд хэсэгт хүн ам шигүү суурьшсан, 19 мянга орчим оршин суугчтай Кастайк нэртэй дүүрэг оршдог байна. Зөвхөн Хьюзийн түймрийг унтраахаар 4000 гаруй гал сөнөөгч дайчлагджээ.
Калифорнийн өмнөд нутагт энэ амралтын өдрүүдээр хур тунадас унах 60-80 хувийн магадлал байгаа гэнэ. Тиймээс энэ хоёр хоногт хээрийн түймрийг торгоон барьж дөнгөвөл аюул түр ч атугай холдоно гэж албаныхан найдаж байгаа аж.
Галлерэй:
Зураг олдсонгүй.
.avif)
