Хятадад 1986 онд шинээр гэрлэгсдийг бүртгэж эхэлснээс хойш гэрлэлтээ батлуулах залуусын тоо өнгөрсөн 2024 онд өмнөх оныхтой нь харьцуулахад түүхэнд байгаагүй хамгийн их хувиар буюу бараг 20 хувиар буурсан байна. 2023 онд нийт 7.7 сая гэрлэлт шинээр бүртгэгдсэн бол энэ тоо 2024 онд 6.1 сая болон буурсан аж. Харин энэ нь 10 жилийн өмнөхтэй буюу 2013 оны үзүүлэлттэй харьцуулахад бараг 50 хувиар бага тоо гэнэ. Өнгөрсөн онд мөн 2.6 сая хос гэрлэлтээ цуцлуулжээ.
2022, 2023 онд гэрлэлтээ батлуулсан, хурим найр хийсэн хосуудын тоо өмнөх хэдэн жилтэй нь харьцуулахад хавьгүй өндөр байсан нь ковидын хөл хорио цуцлагдсантай холбоотой бол 2024 онд гэрлэлт буурсан нь өргөн хэрэглээний бараа бүтээгдэхүүний үнэ нэмэгдсэнээс гадна луу жилийг хятад зурхайд Бэлэвсрэлийн жил гэж үздэгээс болсон гэнэ. Хэдийгээр луу жилд хүүхэд төрүүлэхийг бэлгэ дэмбэрэлтэй явдал гэдэг ч луу жилд хуримласан эмэгтэйг бэлэвсэрч үлдэх магадлалтай гэж хятад ёсонд үздэг байна.
.avif)
