Өрхийн эрүүл мэндийн төвүүдийг өнгөрсөн сарын 17-ноос уртасгасан цагаар ажиллуулж эхэлсэн. Энэ хугацаанд 5700 хүн эрүүл мэндийн тусламж авсан бол өнөөдрийн байдлаар 2273 болж хоёр дахин буурчээ. Иймд Нийслэлийн эрүүл мэндийн газраас бүх өрхийн эрүүл мэндийн төвийг уртасгасан цагаар ажиллуулж байснаа болиулсан байна. Түүнчлэн өнгөрсөн долоо хоногтой харьцуулахад хэвтэн эмчлүүлэгсдийн тоо 14 хувиар буурчээ. Хүлээн авах яаралтай тусламжийн тасгаар 1815 хүүхэд тусламж, үйлчилгээ авч, өнгөрсөн долоо хоногтой харьцуулахад 18 хувиар багасжээ. Нийслэлийн хэмжээнд хүүхдийн томуу, томуу төст өвчнөөр хэвтэн эмчлүүлэх, тусламж үзүүлж байгаа эрүүл мэндийн 21 байгууллагад 1517 хүүхэд эмчлүүлж байна. Маргаашаас бүсчилсэн хэлбэрээр зарим өрхийн эмнэлэгт ажлын өдрүүдэд 20.00, амралтын өдөр 11.00-18.00 цагт ажиллана.
.avif)
