Хятадын эрдэмтэд нэн ховорт тооцогдох, хамгийн бат бөх, хамгийн тунгалаг, “супер” гэгдэх очир эрдэнийг лабораторид гаргаж авснаа зарлалаа. Байгалийн алмаазаас бараг 40 хувиар хатуу уг алмаазыг Хятадын зүүн хойд хэсэгт орших Жилинь мужийн их сургуулийн эрдэмтэд болон зүүн өмнөдийн Гуандун муж дахь Шэньжэнийн их сургуулийн эрдэмтдийн хамтарсан баг өндөр халуунд зургаан талт тунгалаг алмааз болон хувирах бүтэцтэй балт чулуу олсноо лабораторид боловсруулан туршиж үзсэнээр гаргаж авсан тухайгаа энэ сарын 10-ны өдөр Nature Materials сэтгүүлийн шинэ дугаарт танилцуулсан байна.
Энэ нь балт чулууг лабораторийн орчинд очир эрдэнэ болгон хувиргасан анхны тохиолдол биш юм. 2021 онд хэсэг америк эрдэмтэн дуут долгион ашиглан бат бөхийг нь шалгах боломжтой том хэмжээний зургаан талт алмаазыг гаргаж авч байжээ. Гэхдээ тэр нь тухайн үед байгалийн алмаазаас хэдхэн хувиар л илүү хатуу байж. Ультра гэгдэх хатуу алмааз байгаль дээр зөвхөн солирын чулуулгаас олддог бөгөөд анхны ультра алмааз 1967 онд Америкийн Аризона мужийн нутагт унасан Диабло хавцлын гэгдэх солироос олдож байсан түүхтэй аж.
.avif)
