Израиль-“Хамас”-ын дайны эхний есөн сард амь үрэгдсэн хүмүүсийн тоо талуудын албан мэдээнд дурдагдаж байгаагаас даруй 40 хувь илүү байгааг “Lancet” судалгааны байгууллагаас тогтоожээ.
Палестиний Эрүүл мэндийн яам гэхэд 2023 оны аравдугаар сараас 2024 оны зургадугаар сар хүртэлх хугацаанд 37 мянган хүн амь үрэгдсэн гэж мэдээлсэн бол дээрх судалгаагаар 64 мянга гаруй хүн амь үрэгдсэн нь тогтоогдсон байна.
Харин амь үрэгдэгсдийн 59 хувь нь хүүхэд, эмэгтэйчүүд болон 65-аас дээш насныхан байгаа аж. Дайн дэгдэхээс өмнө Газын зурваст 2.3 сая хүн амьдарч байсан бөгөөд одоог хүртэлх хугацаанд ойролцоогоор 46 мянган хүн амь үрэгдсэн, 11 мянга орчим хүн сураггүй болсон гэсэн өөр нэг албан бус мэдээ байгаа юм.
Израилийн тал Газын нутагт гадаадын сэтгүүлч, сурвалжлагчдыг нэвтрэхийг хориглосноос хойш энэ бүх мэдээг баттай үгүйг мэдэх аргагүй. Гэхдээ “Lancet”-ынхан өмнөх зөрчлүүдийн үеэр амь үрэгдсэн хүмүүсийн тоог харьцангуй үнэн зөв гаргаж ирсэн тул Палестиний талын мэдэгдэл, тооцоонд үндэслэн, мөн хараат бус судлаачдын мэдээлэлд түшиглэн дээрх тоог гаргажээ.
.avif)
