Японы Сангийн яамны нэгэн ажилтан хар тамхи, мансууруулах бодисын хууль бус наймаанд холбоотой байж мэдэх 187 хүний хувийн мэдээлэл бүхий төрийн нууцад хамаарах бичиг баримттай цүнхээ бааранд алдсан хэрэг гарчээ. Тэрээр энэ сарын 6-ны орой ажлынхантайгаа Иокохама дахь уушийн газарт таван цаг саатахдаа нийт есөн шил шар айраг ууж, шөнө нь Сүмида гэх ойролцоох хотод байх гэртээ галт тэргээр харьсан хойноо л цүнхээ гээснээ мэдсэн байна. Цүнхэнд нь ажилтан эрийн хувийн зөөврийн компьютер мөн байж.
Японы Сангийн яам болсон явдалд албан ёсоор уучлалт хүсэж, олон нийтийн итгэлийг алдсандаа харамсаж буйгаа илэрхийлсэн байна. Гэхдээ цүнх олдсон үгүй талаар мэдээлэхээс татгалзжээ. Мөн хариуцлага алдсан ажилтныг Сангийн яамны харьяа Гааль, татварын асуудал эрхэлсэн агентлагийн алба хаагч гэхээс өөр мэдээлэл өгөөгүй аж.
2022 онд бараг 400-аад хүнийг хамарсан томоохон гэмт хэргийг мөрдөн шалгаж байсан залуу цагдаа хэт их согтууруулах ундаа хэрэглэснээсээ болж гудамжинд унтаж байхдаа мөрдлөгийнхөө хамаг чухал бичиг баримтыг алдсан хэрэг Японд гарч байсан юм.
Галлерэй:
Зураг олдсонгүй.
.avif)
