Агаар бохирдуулагч бодисууд бага насны хүүхдийн өсөлт хөгжилт, танин мэдэхүйн хөгжилд сөргөөр нөлөөлж, астма, уушгины гэмтэл,хөгжлийн саатал, чихрийн шижин, зүрхний өвчин зэрэг архаг өвчлөлтүүдээр амьдралын бүхий л үе шатанд удаан хугацааны нөлөө үзүүлдэг болохыг НҮБ-ын Хүүхдийн сан мэдэгдлээ.
Улс орнууд агаарын бохирдлоо бууруулах арга хэмжээнүүдийг хэрэгжүүлсээр байгаа ч Зүүн Ази, Номхон далайн бүс нутгууд агаарын бохирдлоос үүдсэн эрүүл мэнд болоод эдийн засгийн хохирол амссаар байна. Бүс нутгийн хэмжээнд бүртгэгдэж буй нас барсан дөрвөн хүүхэд тутмын нэг нь агаарын бохирдлын шалтгаантай. Түүнчлэн эрүүл мэндэд нь үлдсэн нөлөө насанд хүрснийх нь дараа ч үргэлжилж буйг тогтоосон шинэ судалгаагаа гарчээ. Зүүн Ази, Номхон далайн бүсийн 500 сая хүүхэд эрүүл мэндэд халтай агаарын бохирдлын нөлөөлөлд өртдөг бол 325 сая хүүхэд нарийн ширхэглэгт PM2.5 тоосонцрын жилийн дундаж түвшин нь Дэлхийн Эрүүл Мэндийн Байгууллагын зөвлөсөн хэмжээнээс хамгийн багадаа тав дахин илүү байдаг улс орнуудад амьдарч байгаа аж.
.avif)
