OpenAI болон түүний ChatGPT-тэй өрсөлдөх хиймэл оюун ухааны цоо шинэ chatbot туслахыг Хятадын DeepSeek компани хэд хоногийн өмнө танилцуулцсанаас хойш Америкийн тэргүүлэх зэргийн технологийн индексүүд нийт нэг их наяд ам.долларын алдагдал хүлээжээ. Үүнийг Америкийн Ерөнхийлөгч Дональд Трамп “аюулын харанга”, “сэрүүлгийн дохио” хэмээн нэрийдээд байна. Тус улсын хувьцааны зах зээл өчигдөр нээгдсэн даруйдаа индекс нь түүхэнд байгаагүйгээр унажээ.
Хиймэл оюун ухаанд ашиглагддаг гол чип үйлдвэрлэгч Nvidia-гийн хувьцаа л гэхэд өчигдөр 17 хувиар унаж, зах зээлээс бараг 600 тэрбум ам.доллар арчигдсан нь Америкийн хувьцааны зах зээлийн түүхэнд байгаагүй хамгийн том уналт болоод байна.
Мөн Google 100 тэрбум, Microsoft долоон тэрбумыг алджээ. Өнгөрсөн амралтын өдрүүдээр DeepSeek-ийн chatbot туслах Америкаас гадна Их Британид Apple app store-ийн номер нэг аппликейшнээр тодроод байна.
Галлерэй:
Зураг олдсонгүй.
.avif)
