Дэлхийн хамгийн баян хүний тэргүүлдэг хөрөнгө оруулагчдын консорциумаас ChatGPT-ийг эзэмшигч OpenAI хиймэл оюун ухааны судалгааны байгууллагыг 97.4 тэрбум ам.доллароор худалдаж авах санал гаргасан ч гүйцэтгэх захирал нь болох Сэм Альтмэн татгалзсан хариу барьжээ.
Америкийн Ерөнхийлөгч Трампын баруун гарын хүн гэгдэх болсон Элон Масктай Альтмэн анх удаа шөргөөцөлдөж байгаа нь энэ биш юм. Альтмэн, Маск хоёр 2015 онд OpenAI старт-апыг ашгийн бус байгууллагын хувиар хамтран байгуулсан ч Маск 2018 онд түүнээс зам салжээ.
Альтмэн Маскийн эзэмшдэг Х платформ дээр “Хэрэггүй дээ, баярлалаа. Харин хүсвэл Тwitter-ийг чинь 9.74 тэрбумаар худалдаж авъя” хэмээн постолсон байна. Гэхдээ ChatGPT-ийг худалдаж авах эсэх асуудал үүгээр дуусгавар болохгүй бололтой. OpenAI-ийн удирдах зөвлөлд Маскийн саналыг хүлээж авах сонирхолтой хүн нэг биш байгаа гэсэн мэдээ байна.
Галлерэй:
Зураг олдсонгүй.
.avif)
