Америкийн Ерөнхийлөгч Жо Байден цагаач, дүрвэгчдэд хатуу хандахаа мэдэгдсээр байгаа Дональд Трампыг тангараг өргөж, үүрэгт ажилдаа орохоос өмнө урьтаж Украин, Венесуэл, Судан, Эль-Салвадор гэсэн дөрвөн орны цагаачдын Америкт суух түр визний хугацааг онцгойлон сунгаснаа зарлалаа. Ингэснээр “түр хамгаалагдах статус” буюу TPS гэх ангиллын визтэй 600 мянган венесуэл, 232 мянган салвадор, 103 мянган украин, 1900 суданчуудын буюу нийт 935 мянган цагаачийн Америкт оршин суух хугацаа 18 сараар сунгагдсан байна.
Трамп өмнөх засаглалынхаа үеэр буюу 2017-2021 онд TPS-ийн хөтөлбөрийг цуцлахаар удаа дараа оролдож, тусгай статустай цагаачдын тоог цөөлсөн юм. Харин Байден 2021 онд Ерөнхийлөгч болмогцоо түүний бодлогыг өөрчилж эх орон нь дайн дажин, үймээн самуунтай байгаа дүрвэгчдэд илүү туслах хэрэгтэй гэсэн бодлого баримталж иржээ. Түүнээс гадна “түр хамгаалагдах статус” хүртэх эрхтэй улсуудын жагсаалтад Венесуэл, Афганистаныг нэмсэн байна. Байдены засаглал дор нийт 1.2 сая хүн уг статусын тусгай визтэй болжээ.
Трамп үүрэгт ажилдаа орсон даруйдаа, эхний 100 хоногийнхоо дотор бичиг баримтгүй цагаач, дүрвэгчдийг хэдэн саяар нь нутаг буцаана гэж мэдэгдсээр байгаа юм.
.avif)
