Ирэх нэгдүгээр сарын 20-нд бүрэн эрхийн хугацаа нь дуусгавар болох Америкийн Ерөнхийлөгч Жо Байден албан тушаалаасаа буухаас өмнө амжиж, хэд хэдэн хэргээр шүүхэд дуудагдаад байгаа төрсөн хүү Хантер Байдендаа өршөөл үзүүлжээ. Тэрээр өмнө нь эрх, нөлөөгөө ашиглаж хүүгээ өршөөхгүй, шүүхийн шийдвэрт хөндлөнгөөс нөлөөлөхгүй хэмээн мэдэгдэж байсан юм. Харин сүүлд гаргасан мэдэгдэлдээ хүүд нь ял оноохоор төлөвлөж байгаа нь “хууль зөрчсөн хэрэг”, “шударга бусаар ялгаварлаж байгаа явдал” гэсэн байна.
Хантер Байден өнгөрсөн есдүгээр сард татвараас зайлсхийсэн хэргээр, зургадугаар сард хориотой мансууруулах бодис хэрэглэсэн болон хууль зөрчин галт зэвсэг эзэмшсэн хэргээр шүүхэд дуудагдсан юм. Түүнд энэ сарын 12 болон 16-ны өдөр шүүхээс ял оноох бөгөөд Ерөнхийлөгчийн өршөөл үзүүлсэн зарлиг шүүхийн шийдвэрт хэрхэн нөлөөлөх нь одоогоор тодорхойгүй байна. Зөвхөн холбооны татварын хэргээр гэхэд Хантер Байденд шүүх 17 хүртэлх жил хорих ял төлөвлөөд байгаа бол хууль бусаар галт зэвсэг эзэмшсэн гэх хэрэг нь 25 хүртэлх жилийн ялтай аж. Тэрээр Цагаан ордны тэргүүний үр хүүхдүүдээс хэрэгт холбогдож, шүүхэд дуудагдсан түүхэн дэх анхны хүн юм.
.avif)
