Энэ сарын 27-нд болох Освенцим буюу Аушвиц хорих лагерийг чөлөөлсний 80 жилийн ойн албаны ямар ч үйл ажиллагаанд аль нэг орны төрийн тэргүүн юм уу, ямар нэг улстөрчийг үг хэлүүлэхгүй байхаар шийдвэрлэжээ. Хохирогсдын дурсгалыг хүндэтгэх ёслолд олон орны ихэс дээдэс, Ерөнхий сайд, Ерөнхийлөгч нар оролцох ч бүх үйл ажиллагааны гол дүрүүд нь дайнаас амьд мэнд үлдсэн хүмүүс, тэр дундаа Аушвицаас чөлөөлөгдсөн хүмүүсээс өдгөө амьд сэрүүн байгаа тоотой хэдэн хүн байх гэнэ. Энэ шийдвэрийг Аушвиц-Биркенаугийн музейгээс гаргасан бөгөөд “Эдүгээ өндөр настай болсон тэдгээр амьд мэнд үлдсэн хүмүүсийн хувьд энэ нь хамгийн сүүлчийн дурсгалын үйл ажиллагаа нь болох болов уу” гэж захирал нь өгүүлжээ.
Нацистууд 1.1 сая хүнийг хүйс тэмтэрсэн Аушвиц-Биркенаугийн хорих лагерь нь Польшийн нутагт оршдог юм.
Лагерийг чөлөөлсний 80 жилийн ойтой холбогдуулан хэлсэн үгэндээ Польшийн Ерөнхий сайд Дональд Туск Израилийн Ерөнхий сайд Биньямин Нэтаньяхуг баривчлахыг шаардсан хүмүүст хандан “Польш улс Холокостод хэдэн сая охид, хөвгүүдээ алдсан Израиль орны Ерөнхий сайдыг баривчлахгүй. Энэ үйл ажиллагаа амь үрэгдэгсдийг дурсан санахад зориулагдсан болохоос орчин цагийн улс төрийн нөхцөл байдалтай огт холбоогүй” гэсэн хариу барьжээ. Харин Олон улсын эрүүгийн шүүхээс Нэтаньяхуг дайны гэмт хэрэгтэн гэж зарласан байтал Израилийн төлөөлөгчдийг хүлээж авахаар зэхэж байгаа Ерөнхий сайдынхаа шийдвэрийг эсэргүүцсэн польш иргэд эсэргүүцлийн жагсаал зохион байгуулсан байна.
Үйл ажиллагаанд ОХУ-ын Ерөнхийлөгч Владимир Путин оролцохгүй аж.
Аушвицийг Зөвлөлтийн цэргүүд чөлөөлсөн тул хорих лагерийг чөлөөлсний жил жилийн ойд Оросын албаныхан оролцож ирсэн ч энэ удаад Украины дайнаас шалтгаалж Оросыг төлөөлөх нэг ч төлөөлөгч уригдаагүй байна.
.avif)
