Дональд Трампын Засгийн газар төрийн зардлыг танах нэрээр төрийн алба хаагчдыг хэдэн мянгаар нь цомхотгож байгаагийн дотор USAID буюу Америкийн Хөгжлийн хөтөлбөрийн ажилчдыг олон улсаас буцаан татан шийдвэр гаргаад байгаа билээ. Мөн олон улсын тусламжийн цувааг 90 хоног зогсоосон нь дайн дажинтай, хүнсний хомсдолтой бүс нутгуудад хүндээр тусаж байна. Ялангуяа Иргэний дайнтай байгаа Судан улсад 1100 гаруй нийтийн гал тогоог үүдээ барихад хүрсэн нь хоёр сая гаруй хүнийг өлсгөлөнд нэрвэгдэх аюулд унагажээ. Энэ нь энгийн иргэдэд тусалж байсан хүмүүнлэгийн хоол хүнсний тусламжийн бараг 80 хувь нь зогссон гэсэн үг гэнэ.
2023 оны дөрөвдүгээр сард эхэлсэн Суданы Зэвсэгт хүчин болон босогчид хоорондын тулаанд хэдэн мянган хүн амь үрэгдэж, сая сая хүн орон гэрээ орхин дүрвээд байгаа юм.
Трамп USAID-ийг Америкийн “ашиг сонирхолд нийцсэн үгүйг” сайтар хянана, дэмий мөнгө зарлагадсан нь илэрвэл татан буулгана гэж мэдэгдсээр байна. Харин олон улсын байгууллагууд болон хүмүүнлэгийн салбарын мэргэжилтнүүд энэ шийдвэрийг нь хүн төрөлхтний эсрэг гэмт хэргээс ялгаагүй гэж ялгаагүй гэж анхааруулжээ. Америкийн хөгжлийн хөтөлбөрийн тусламж тасалдсанаар НҮБ-ын Дэлхийн хүнсний хөтөлбөрийн хангамж, нийлүүлэлт ч мөн зогсох эрсдэлтэй юм. НҮБ Суданд нийлүүлж байгаа хүнсний тусламжийн нийт 13 хөтөлбөр хамгийн сүүлийн хүнсний таталтаа амжилттай хийсэн ч дараа дараагийн нийлүүлэлт хэрхэх талаар одоог хүртэл ямар ч мэдээлэлгүй байна гэжээ.
АНУ нь Суданд бүхий л талаар тусламж нийлүүлдэг хамгийн том донор улс юм.
.avif)
