АНУ-ын Ерөнхийлөгч Дональд Трамп гадаадын хөрөнгө оруулагчдад зориулсан EB-5 гэх визний ангиллыг үгүй хийж, оронд нь Америкт их хэмжээний хөрөнгө оруулж, шинээр ажлын байр олноор нь бий болгох цагаач иргэдэд зориулсан Алтан картны хөтөлбөр гэгчийг санал болголоо. Алтан картыг таван сая ам.доллароор худалдах бөгөөд энэ нь эргээд Америкийн эдийн засагт тустай гэнэ. Одоогийн EB-5 хөтөлбөр нь гадаадын хөрөнгө оруулагчдад тусгайлан Ногоон карт олгодог юм.
Трампын онцолсноор Ногоон картаас ялгаатай нь шинэ Алтан карт нь карт эзэмшигчээ шуудхан Америкийн иргэншилд хөтлөх гэнэ.
Өөрөөр хэлбэл Ногоон карт эзэмшигч хэдий Америкийн нутагт байнгын оршин суух эрхтэй ч иргэн болох гэж чамгүй урт зам туулдаг бол Алтан карт эзэмшигч ердөө ганц хоёр шат дамжлага даваад л Америкийн иргэншилтэй болох аж. Шинэ хөтөлбөрийг хоёр долоо хоногийн дотор багтаан албан ёсоор танилцуулах гэнэ.
“Оросын олигархууд Алтан карт худалдаж авах эрхтэй юү?” гэсэн сэтгүүлчийн асуултад Трамп “Эрхтэй байлгүй яах вэ. Оросын зарим олигарх үнэхээр сайхан хүмүүс байдаг юм шүү” гэж хариулжээ.
.avif)
