Хятадын эрх баригчид Төрийн департаментын цахим хуудаснаасаа “Вашингтон Тайванийн тусгаар тогтнолыг дэмжихгүй” гэсэн өгүүлбэрийг авч хаясан Америкийн албаныханд дургүйцлээ илэрхийлж, “алдаагаа даруйхан засахыг” шаарджээ. Бээжин Тайванийг газар нутгийнхаа салшгүй нэг хэсэг гэж үздэг. Харин АНУ тус арлыг хэдий дипломат замаар хүлээн зөвшөөрдөггүй ч аюулгүй байдлыг нь сахин хамгаалдаг хамгийн том хүчин хэвээр байгаа юм.
Трампыг тангараг өргөснөөс гурван долоо хоногийн дараа хийгдсэн цахим хуудасны энэхүү сүүлийн шинэчлэлээрээ Америкийн Төрийн департамент дээрх чухал өгүүлбэрийг хасаж, оронд нь Тайванийн Пентагонтой тогтоосон техник технологийн салбар дахь хамтын ажиллагааг тодотгохын хамт америкчууд шаардлагатай гэж үзвэл олон улсын байгууллагуудад элсэх Тайванийн хүсэлтийг дэмжинэ хэмээсэн өгүүлбэр нэмжээ.
Тайванийн албаныхан Америкийн эл үйлдлийг “эерэг бөгөөд нөхөрсөг” гэсэн бол Бээжин дэх Тайванийн асуудал эрхэлсэн албаны хэвлэлийн төлөөлөгч Вашингтоны “үгийн алдаа” Тайванийн салан тусгаарлагчдад буруу дохио өгнө, Тайванийн хоолойд зөвхөн тогтворгүй байдал л үүсгэнэ хэмээн анхааруулсан байна.
.avif)
