Өнгөрсөн зургадугаар сард буюу Хятадын иргэн Ши Пинийг 112 нас 241 хоногтойдоо өөд болоход дэлхийн хамгийн өндөр настай эрэгтэй хүнээр тодроод байсан Британийн иргэн Жон Тиннисвүүд 112 нас 91 хоногтойдоо таалал төгсчээ. Өдгөө дэлхийн хамгийн өндөр настай эрэгтэйгээр Бразилын иргэн, мөн л 112 настай Хоао Мариньо Нето хэмээх настан тодроод байгаа бөгөөд тэрээр 1912 оны аравдугаар сарын 5-ны өдөр мэндэлсэн бол Тиннисвүүд 1912 оны наймдугаар сарын 26-нд төрсөн аж. Харин эдүгээ амьд сэрүүн байгаа хамгийн өндөр настай эмэгтэй бөгөөд хамгийн өндөр настай хүн бол Японы иргэн, өдгөө 116 настай Томико Итүка юм.
“Титаник” хөлөг онгоц живсэн жил мэндэлсэн Жон Тиннисвүүд 2020 онд Их Британийн хамгийн өндөр настай хүнээр тодорсон байна. Тэрээр байнга алхдаг, сүмд очиж залбирдагаа урт насалсных нь нууц хэмээн ярьдаг байж. Дэлхийн хоёрдугаар дайнд алба хааж, шуудан зөөгч, нярав зэрэг олон ажил хийж байсан Тиннисвүүд 1942 онд гэр бүлтэй болж, эхнэртэйгээ 44 жил ханилан, 1986 онд эхнэрээ өвчнөөр алджээ. Тэд нэг охин, гурван зээтэй аж.
.webp)
