“Технологи ашиглан үйлдэж буй гэмт хэргээс урьдчилан сэргийлэх нь” урилгын хүрээнд зохион байгуулж байгаа “SOCIAL IMPACT 2025” арга хэмжээ өнөөдөр боллоо. Хамгийн үр дүнтэй хэрэгжсэн нийгмийн компанит ажлын талаар танилцуулж, байгууллагуудын дунд хэлэлцүүлэг өрнүүллээ.
Тус арга хэмжээнд 12 байгууллагын төлөөлөл илтгэлээ тавьж, нийгэмд хандсан нөлөөллийн аяныхаа талаар танилцуулсан юм.
Энэ үеэр Гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл “Бараа бүтээгдэхүүн сурталчлахдаа нийгэмд эерэг мэдээлэл түгээх, иргэдийн мэдлэг ойлголтыг нэмэгдүүлэх, хүний эрхийг дээдэлсэн, жендерийн мэдрэмжтэй олон нийтэд хүргэх нь чухал. Аж ахуй нэгж байгууллагын сурталчилгаанд хүмүүсийг нийгмийн гарал үүсэл, гадаад төрх байдлаар ялгаварлах тохиолдол байдаг. Жишээ нь аз жаргалтай гэр бүлийг харуулсан рекламд гоё эмэгтэй, сайхан залууг мөн тансаг эдлэл хэрэглэлийг үзүүлдэг. Аз жаргалыг зөвхөн материаллаг зүйлсээр тодорхойлох боломжгүй. Тиймээс бид энэхүү хэвшмэл ойлголтыг арилгахын тулд энэхүү арга хэмжээг зохион байгуулж байгаа” гэв.
.avif)
