Улсын Их Хурлын Тамгын газрын Парламентын судалгаа, хөгжлийн хүрээлэн, Монголын Карл Попперын Мэтгэлцээний Нийгэмлэг, Отгонтэнгэр их сургууль хамтран ерөнхий боловсролын сургуулиудын сурагчдын дунд "Санан тунхаглах ирээдүй" Карл Попперын мэтгэлцээний улсын аварга шалгаруулах 10 дахь удаагийн тэмцээнийг 2025 оны 02 дугаар сарын 07-09-ний өдрүүдэд зохион байгуулна.
Төрийн ордонд маргааш нээлтээ хийх УАШТ-д 21 аймаг, Улаанбаатар хотын 128 багийн 384 багш, сурагч оролцох ажээ. Тэдгээр оролцогчид өнөөгийн манай нийгэмд тулгамдаж буй найман асуудлаар шийдэл дэвшүүлж, мэтгэлцэх юм. Карл Попперийн мэтгэлцээн нь өсвөр үеийнхнийг өөрийн үнэт зүйлтэй, бие даасан, идэвхтэй иргэн болгон төлөвшүүлэх зорилгоор анх үүссэн гэдэг. “Таны зөв, миний буруу байж магадгүй учраас хамтдаа хэлэлцвэл бид үнэнд дөхөх боломжтой” гэсэн Карл Рэймунд Попперийн алдарт үг энэхүү тэмцээний гол уриа болдог.
.avif)
