Б.ЧОЙЖАМЦ
“Би амьдралд яахаа мэднэ гэж хэлээд дуугаа эхэлье” хэмээн үзэгч олонд “Яахаа мэднэ”, “Эвдэрхий хүн”, “Микрофоны ард”, “Бид 2” зэрэг дуугаараа танигдсан “Rokit Bay” буюу О.Баярсайхан нь энэ сарын 14-нд Төв цэнгэлдэх хүрээлэнд “Пуужин Баяраа” тоглолтоо хийх гэж байна.
Олон жилийн хугацаанд хип хоп урсгалаас хөндийрч, анимейшн, видео тоглоомын ертөнцөд хөл тавин, чамлахааргүй амжилт үзүүлж байсан ч дуу, уран бүтээлийн орон зай нь үзэгч, фэнүүдэд нь үгүйлэгдэж байсан нь мэдээж. Хэсэг хугацаанд чимээгүй байсан түүнийг залуу артист “FLA” дисс хийж нэгэн шуугиан тариад удаагүй байхад тэрбээр тоглолтоо хийнэ гэж мэдэгдсэн. Тэгвэл одоо уг тоглолтоороо үнэнч сонсогчдынхоо сонорыг мялаахад бэлэн болжээ. Өөрийн нэрний утгаар нэрлэсэн тус тоглолод Rokit Bay-ийн шинэ өнгө төрх, тоглолтын найруулгыг хүлээсэн үзэгч цөөнгүй байна.
“Rock it, Bay” буюу “Доргиогоод өг, Bay” хэмээх утгатай уран бүтээлчийн тоглолтод “Хонх” хамтлаг болон Trishna, Magnet brain, Davaidasha, Enkhe&Erkhem зэрэг залуу уран бүтээлч дуулах нь. Тоглолтын тасалбарыг portal.mn-ээс гадна social pay-ийн зээлээр худалдан авах боломжтой гэнэ.
.jpg)