Монгол Улсад гэмт хэргээс урьдчилан сэргийлэх ажлыг зохицуулах зөвлөлийн Ажлын алба, Цагдаагийн ерөнхий газар хамтран “Мансууруулах үйлчилгээтэй олсны ургамлыг устгах ажлын үр дүнг дээшлүүлэх нь” сэдэвт хэлэлцүүлгийг өнөөдөр зохион байгууллаа.
Уг хэлэлцүүлэг нь мансууруулах үйлчилгээтэй олсны ургамлын устгалын ажлыг байгаль орчин, эдийн засгийн хувьд хохиролгүй, оновчтой зохион байгуулах арга замыг судлах, энэ төрлийн ургамлыг хууль бусаар ашиглах гэмт хэргээс урьдчилан сэргийлэх ажлын үр нөлөөг дээшлүүлэх, төрийн байгууллага болон эрдэмтэн, судлаачдын хамтын ажиллагааг өргөжүүлэх зорилготой.
Хэлэлцүүлэгт Хууль зүй, дотоод хэргийн яам, Байгаль орчин, уур амьсгалын өөрчлөлтийн яам, Хүнс, хөдөө аж ахуй, хөнгөн үйлдвэрийн яам, Улсын ерөнхий прокурорын газар, Нийслэлийн прокурорын газар, нийслэл, Төв, Сэлэнгэ, Булган, Орхон, Дархан-Уул аймгийн гэмт хэргээс урьдчилан сэргийлэх ажлыг зохицуулах салбар зөвлөл, Төв, Сэлэнгэ, Булган, Орхон, Дархан-Уул аймгийн Цагдаагийн газар зэрэг төрийн байгууллага, Шинжлэх ухааны академийн Ботаникийн цэцэрлэгт хүрээлэн, Ургамал хамгааллын эрдэм шинжилгээний хүрээлэн, Уламжлалт анагаах ухаан технологийн хүрээлэн зэрэг эрдэм шинжилгээ, судалгааны байгууллага, МУИС, ШУТИС, ХААИС зэрэг боловсролын байгууллагын 50 орчим төлөөлөл оролцож, хэлэлцүүлэг өрнүүлэв.
Мөн Нийслэлийн ГХУСАЗСЗ-ийн Ажлын албаны дарга М.Мөнгөншагай, Орхон аймгийн ИТХ-ын дарга бөгөөд ГХУСАЗСЗ-ийн дарга Д.Мөнхбат, Сэлэнгэ аймгийн ИТХ-ын дарга бөгөөд ГХУСАЗСЗ-ийн дарга Г.Бат-Орхон, Булган аймгийн ИТХ-ын дарга бөгөөд ГХУСАЗСЗ-ийн дарга Ш.Насандулам нарын төлөөлөл хүрэлцэн ирж, оролцлоо.
.avif)
