“Найрамдал” зуслан чиглэлийн 16 км авто замыг шинэчилж байна

Сонгинохайрхан дүүргийн 22, 34 дүгээр хороо, Тахилтын уулзвараас “Найрамдал” зуслан чиглэлийн авто замыг анх 1978 онд ашиглалтад оруулсан. Үүнээс хойш 46 жил их засвар, шинэчлэл огт хийгээгүй. Тэгвэл энэ онд тус 16 км урт, хоёр эгнээ бүхий замыг шинэчилж байна. Мөн ус зайлуулах байгууламж, явган хүний зам болон дугуйн замыг цогцоор нь шийднэ. Тус замын ажил 44 хувийн гүйцэтгэлтэй үргэлжилж байна. Авто замын ажлын гүйцэтгэгчээр “Билэгт зам” компани ажиллаж, арваннэгдүгээр сарын 20-нд авто замыг дуусгахаар төлөвлөжээ. Тахилт, “Найрамдал” зуслан чиглэлийн уг авто замыг олон улсын чанарын стандартын дагуу өндөр хийцлэлээр барьж байгаараа онцлог.