Азийн наадмын аварга, ази тивийн аварга, сонирхогчдын боксын ДАШТ-ий хүрэл медальт манай тамирчин Э.Цэндбаатар нь мэргэжлийн боксын рингд 10 тулаан хийж бүгдэд нь ялалт байгуулсан байдаг. Энэ хийсэн тулаануудынхаа 5-т нь хүнд цохилтоор өрсөлдөгчөө буулган авсан.
Тэгвэл түүний дараагийн өрсөлдөх тулаан ч Френсис Фортунато Саяа нь 1998 оны хоёрдугаар сарын 2-нд Доминикан улсын Санто Доминго хотод төрсөн өдгөө 26 настай мэргэжлийн боксчин юм. АНУ-ын Калифорни мужид ажиллаж амьдарч, бэлтгэл сургуулилтаа хийдэг. Одоогоор мэргэжлийн боксын дэвжээнд нийт 16 тулаан хийснээс 15 ялж, ганцхан ялагдалтай. Мэргэжлийн боксын ихэнх эх сурвалжууд Доминиканы боксчныг төвөггүй ялна хэмээн таамагласан. Учир нь тэрээр 178 см өндөр бөгөөд манай тамирчин Цэндбаатараас 13 см-ээр өндөр байгаа нь таамагт нөлөөлсөн болов уу.
Тулаан 10-р сарын 9-нд АНУ-ын Флорида мужийн “Probox Event” төвд болно.
Н. Мягмардорж
.jpg)
