Дэлхийн шилдэгүүд нэгэн өдөр хуран чуулж, алтан бөмбөг буюу “Ballon d’Or” шагналыг хэн авсан гэх хариуг сонсохын тулд амьсгаа даран хүлээн суудаг. Тэгвэл 2024 оны “Ballon d'Or” шагнал гардуулах ёслол ирэх сарын 28-нд Францын Парис хотын “Шателет” театрт болох хуваарьтай байна. Родри, Жуд Беллингхэм, Винисиус Жр тэргүүтэй одод бүгд нэр хүндтэй шагналын төлөө өрсөлдөж байна. Энэ удаагийн шагнал гардуулах ёслолд 2003 оноос хойш анх удаагаа Лионель Месси, Криштиану Роналду хоёрыг саналын хуудсанд оруулаагүй юм.
Энэ жил уг шагналыг уламжлалт хуанлийн жилээс илүүтэйгээр 2023 оны наймдугаар сарын 1-ээс 2024 оны долдугаар сарын 31-ний хооронд гаргасан амжилтыг нь харгалзах гэнэ. 2024 оны “Алтан бөмбөг”-ийг хэн хүртэх вэ гэдэг талаар испани тактикч Пеп Гуардиоа “All about Argentina”-д “Лаутаро Мартинез алтан бөмбөгийн авах боломжтой. Би “Манчестер сити”-гийн тоглогч энэ шагналыг авахыг илүүд үзэж байгаа ч түүнийг онцгой авьяастай гэдгийг үгүйсгэх аргагүй” гэж хэлжээ. Мэдээж энэ шагналд Европын том тэмцээнүүдэд цом өргөсөн тоглогчид цөөнгүй нэр дэвшиж байгаа бөгөөд амжилтуудаас нь гадна 180 гаруй орны хэвлэл мэдээллийн ажилчдын саналыг авах юм.
2024 оны “Ballon D'Or”-д нэр дэвшигчдийн бүтэн жагсаалт энэд байна.
Б.ЧОЙЖАМЦ
.jpg)
