Монгол Улс Ерөнхийлөгчийнхөө ивээл дор Улаанбаатар хотноо “FIBA 3x3 U23 World Cup 2024” тэмцээнийг анх удаа амжилттай зохион байгуулж, өчигдөр Улаанбаатар хотын төв цэг Сүхбаатарын талбайд өргөн хөшигөө хаалаа. Дэлхийн таван тивийн шилдэг эрэгтэй, эмэгтэй тус тус 20 баг өрсөлдсөн юм.
Эмэгтэйчүүдээс АНУ, эрэгтэйчүүдээс Германы шигшээ баг дэлхийн аварга боллоо. Удаах байруудад эрэгтэй ангилалд АНУ-ын баг удаалсан бол гутгаар байранд Испани оров. Харин эмэгтэй ангилалд Нидерландын баг удаалж, БНХАУ-ын баг шагналын тавцанд эх орныхоо тугийг мандууллаа. Манай эмэгтэй багийн хувьд эхний тоглолтдоо Кенийн багийг 21-5 харьцаатай буулган авсан ч хэсгийнхээ IV байраар шалгарч, энэ удаагийн тэмцээнийг өндөрлүүлсэн. Эрэгтэй багийн хувьд Бениний шигшээ багийг 21-12 харьцаатай хожиж тэмцээнээ эхлүүлсэн ч сүүлийн шийдвэрлэх тоглолтод ялагдсанаар цааш тоглох эрхгүй болсон юм.
Мөн тус тэмцээний медиа багт ажиллаж байсан олноо “DZ” хэмээн алдаршсан Э.Дашзэвэг Олон улсын сагсан бөмбөгийн холбоо (FIBA) -ны медиа багт ажиллах урилга авсан байна. Манайд зохион байгуулагдсан Азийн аварга шалгаруулах урьдчилсан шатны тоглолтууд, “BCL Asia qualifier” тэмцээнүүдэд тэрбээр FIBA-гийн медиа багтай хамтарч ажилласан туршлагатай. Түүний дараагийн тэмцээн энэ сарын 26-28-нд БНХАУ-ын Чэнгду хотод болох Азийн эмэгтэйчүүдийн анхны лиг “Women’s basketball league” (WBLA) юм.
.jpg)
