Нийгэм, эдийн засгийн хөгжилд хувь нэмэр оруулах, олон соёлын орчинд ажиллаж, амьдрах чадвартай, тасралтгүй хөгжих тэмүүлэлтэй, ёс суртахуунтай мэргэжилтэн бэлтгэнэ.

Олон улсын шилдэг менежментийг нэвтрүүлсэн сургалт-судалгааны их сургууль байна.

1991 онд байгуулагдаж, 1999 онд их сургууль болон өргөжсөн Отгонтэнгэр их сургууль нь 2017 онд АНУ-ын ACBSP буюу Эдийн засаг бизнесийн сургууль хөтөлбөр магадлан итгэмжлэх байгууллагаар олон улсад, 2018 онд БМИҮЗ-өөр 3 дахь удаагаа амжилттай магадлан итгэмжлэгдсэн. ОТИС-ийн бакалавр, магистр, докторын түвшний сургалтыг шинжлэх ухааны болон боловсролын доктор, магистрын зэрэгтэй, профессор, дэд профессор цолтой эрдэмтэн багш нар удирдан явуулж байна.Цаг тутамд чанарын баталгаажилтыг хийн ажиллаж, үйл ажиллагаагаа тасралтгүй сайжруулж, Монгол Улсын хөгжил, дэвшлийн гол цөм болох өндөр мэргэжилтэй боловсон хүчин бэлтгэн төрийн болон хувийн хэвшлийн байгууллагыг чанартай, чадвартай мэргэжилтнээр хангах үйлсэд манлайлагч, тэргүүлэгч үүрэгтэйгээр оролцож ирсэн. 34 жилийн түүхийн хугацаанд манай сургууль боловсролын байгууллага дундаас ISO 9001 чанарын менежментийн тогтолцоог нэвтрүүлсэн анхны хувийн хэвшлийн сургууль болон гэрчилгээгээ гардаж авсан.