“Ice top” нь 1996 онд анх 16 хүний бүрэлдэхүүнтэй реп бүжгийн хамтлаг байсан бөгөөд хоёр жилийн дараа буюу 1998 оны аравдугаар сарын 13-нд найман гишүүнтэйгээр анхны хип хоп хамтлагуудын нэг болон гарч ирсэн түүхтэй. Тэд байгуулагдсанаасаа эхлэн үзэл бодлоо хип хоп үг хэллэгээр, түүн дотроо урлаг, яруу найраг шударга, үнэн үгийг хэлэх ёстой гэж үзэн, уран бүтээлээ туурвисан юм. Өдгөө 26 жилийн түүхийг бүтээсэн тус хамтлаг урын сандаа 250 гаруй уран бүтээлтэй болжээ. Анхны тоглолтоо 2000 оны гуравдугаар сарын 18-нд “Санаа нэг” нэртэйгээр хийж байсан бол энэ удаа есдүгээр сарын 13-нд Өмнөговь аймгийн Даланзадгад хотын Төв цэнгэлдэх хүрээлэнд үзэгч, үнэнч фэнүүдтэйгээ "Энэ миний хайр" тоглолтоороо дахин уулзах нь.

‍